Saturday 25th October 2014,
Menapolis

بالعنف ضد المرأة: لانؤمن!

Menapolis December 6, 2012 Uncategorized No Comments

بخصوص هيدي حملة “نؤمن” لمناهضة (؟) العنف ضدّ المرأة، وهالفيديو يلّي عارضينلنا فيه سحبة من أعلى رجال الدين مرتبة بأبهى حللهم وهم يدينون العنف ضدّ المرأة \ الزوجة ويوصون بها خيرا، سؤال:

 

طيّب إذا هيك من الّذي يمنع إقرار قانون العنف الأسري؟! هم رجال الدين أنفسهم، علنا وباسم الدين! فإذا لا بدّ من حملة في هذا الموضوع، وجب إدانتهم على مواقفهم، على حؤولهم دون حماية المرأة قانونا من أي عنف تتعرّض له. لا أن نكافئهم بحملة تبرّئ ذمّتهم في هذا الموضوع!!!

 

أو أنّو القضيّة إنّو نستعيض عن القانون بالنصح الأخلاقي؟؟؟… يا عيني… يعني كان بعد فيه هيدي!!! بكرا منلغي قانون العقوبات ومحلّ القاضي منعيّن واعظ أخلاقي وديني، وكلّ ما واحد قتل أو سرق، منقلّو يصلّي المسبحة، وفوقها 2 أبانا وواحد سلام، ويقرا الفاتحة ويروح يعملّه 500 ركعة بالزاوية!!!

 

من يؤذي الآخر جسديّا، جزاؤه الحبس. وأنا شخصيا إذا واحد “قرطني كفّ”، “برقعو بدن”، وإذا قدرت ضبطت حالي، أدّعي عليه في المخفر أو المحكمة… مش بقلّو يا عيب الشوم عليك عم بتخالف وصايا الدين وبضلّ ماشي مورّم!!!

 

 

Like this Article? Share it!

About The Author